السلام عليكم ورحمه الله
تكلمت بسناب عن الجمعه السوداء
❤Black Friday
وشرحت بعض المواقع اللي افضلها للتسوق بهاليوم
وان شالله بهالتدوينة
رح احط لكم المواقع الثقه
اللي تقدرون تطلبون منها بهاليوم العالمي للتخفيضات
لا تحرموني تقيمكم ورايكم
سوإء هنا او ع سناب او ع حسابي بالانستغرام
وللتذكر ヅ
حسابي بسناب والإنستغرام نفس الاسم ❤
blogger_sa
نبداء بسم اللله
ヅ
November 25 / 2016
هذا موعد البلاك فرايدي هالسنه
الجمعة السوداء (بالإنجليزية: Black Friday) هو اليوم الذي يأتي مباشرة بعد عيد الشكر في الولايات المتحدة، ويعتبر هذا اليوم بداية موسم شراء هدايا عيد الميلاد. في هذا اليوم تقوم أغلب المتاجر بتقديم عروض وخصومات كبيرة، حيث تفتح أبوابها مبكرا لأوقات تصل إلى الساعة الرابعة صباحا. بسبب الخصومات الكبيرة ولأن أغلب هدايا عيد الميلاد تشترى في ذلك اليوم، فإن أعدادا ًكبيرة من المستهلكين يتجمهرون فجر الجمعة خارج المتاجر الكبيرة ينتظرون افتتاحها. وعند الافتتاح تبدأ الجموع بالتقافز والركض كلٌ يرغب بأن يحصل على النصيب الأكبر من البضائع المخفضة الثمن. في يوم الجمعة السوداء تقوم أيضا بعض متاجر الإنترنت مثل موقع أمازون وإيباي بتقديم عروض مغرية. ففي ذلك اليوم يقوم الموقع بتقديم خصومات على منتجات عديدة، ويقوم إضافة إلى ذلك بتقديم عرض خاص جدا على منتج معين يتغير كل ساعة.
ملاحظه : المقال فوق اخذته جاهزه كمقدمه عشان تعرفون هاليوم .
حبيت اشاركم بهالصوره الظريفة وتقول بسرعة اشتري اكثر
يعني فعلا يوم التفليس العالمي بس تفليس بساعده بهاليوم ヅ
خطوات الأستعداد ليوم البلاك فرايدي
Black Friday؟
❤
1- تحتاجين حساب بريد أمريكي / او اذا الموقع يشحن دايركت ماراح تحتاجين للبريد .
2- تحتاجين فيزا أو ماستركادر .
3- التسجيل في المواقع اللي انتي من الان حابه تدخلينها بهاليوم .
4-لسته ^ اكتبي فيها اول شي الامور المهمه اللي انتي تبين تشترينها بعدين حطي الامور الاقل اهميه
الحين انتي جاهزه خلاص بكذا رح احط المواقع تحت ومن الحين سجلي فيها خذي فكره عنها عشان لما يجي هاليوم
تدخلين وانتي عارفه كل شي .
ヅ
أول موقع الموقع المفضل عندي ❤
نوردستروم
الموقع يشحن دايركت للسعوديه ويشحن لعنوان امريكي اختاري اللي يناسبك
يقبل الفيزا ❤
بس في نقطه انتبهو لها بعض المنتجات تكون غير مسموح انها تشحن لخارج امريكا يعني ماينفع تسوين شحن دايركت بهالحاله
رح تسوين شحن لعنوانك الامريكي بهالحاله ❤
رابط الموقع ⤵
ثاني موقع بعد مفضل عندي❤
اسوس
الموقع بريطاني جميل جدا واسعاره حلوه
يقبل الفيزا اختاري العملة دولار .
يشحن دايركت للسعوديه واسعار الشحن عندهم ثابت بحدود 36 دولار .
رابط الموقع ⤵
الموقع الثالت للمجوهرات الالماس والاحجار الكريمه❤
مونيكا فندر
احبه كثير وسبق طلبت منهم انيق وفخم واسعارهم روعة
يقبل الفيزا وبعد يشحن دايركت للسعوديه ❤
رابط الموقع ⤵
الموقع الرابع
ساكس فيفث افنيو
روعه وفخم ويجمع ماركات كثيره غاليه واقل انتي وميزانيتك بتلاقين اكيد اللي يناسبك
يقبل الفيزا ويشحن بعد دايركت للسعودية الموقع بطل
رابط الموقع ⤵
الموقع الخامس
ماك ❤
موقع ماك يقبل الفيزا
يشحن لعنوان امريكي ماعندهم شحن دايركت للسعوديه ❤
رابط الموقع ⤵
الموقع السادس
امازون ❤
غني التعريف يقبل الفيزا ويشحن انا دايم اشحن لعنوان امريكي للامانه ماقد جربت الشحن الدايركت
رابط الموقع ⤵
الموقع السابع ❤
موقع كارترز لملابس الاطفال الموقع روعة واسعارهم حلوه
يقبل الفيزا والشحن لعنوان امريكي
رابط الموقع ⤵
الموقع الثامن ❤
اوشكوش للاطفال
ملابس انيقه واسعارهم حلوه
يقبل الفيزا والشحن لعنوان امريكي
رابط الموقع ⤵
الموقع التاسع ❤
بلومنق ديلز يقبل الفيزا ويشحن للسعوديه
رابط الموقع ⤵
الموقع العاشر ❤
ذا اوت نيت
لموقع حلو يجمع ماركات واسعارهم حلووه
يقبل الفيزاء ويشحن دايركت للسعودية
رابط الموقع ⤵
الموقع الحادي عشر ❤
موقع farfetch
موقع رائع واحبه كل شي فيه فخم وانيق وكل الماركات وكل الاسعار
يقبل الفيزاء ويشحن بعد دايركت ❤
رابط الموقع ⤵
الموقع الثاني عشر ❤
bluefly يجمع الماركات فخم
يقبل الفيزاء شحن لعنوان امريكي
رابط الموقع ⤵
الموقع الثالث عشر ❤
فكتوريا سكريت
بجايم حلوه وفخمه ومرتبه وخامه بطله وكل شي ヅ
يقبل الفيزاء ويشحن دايركت للسعوديه
افضل انك تشحنيها لعنوان امريكي اسرع
اغلبهم يقولون الشحن الدايركت حقهم بطي شوي عني انا قد طلبت منهم واستخدمت عنواني الامريكي
رابط الموقع ⤵
الموقع الرابع عشر والاخير ❤
net-a-porter
فخم وغالي كل الماركات حلو يقبل الفيزاء و يشحن للسعودية دايركت
رابط الموقع ⤵
ملاحظه ❤
هذي المواقع احبها حيل واشيك عليهم لا تنسون تشيكون عليها بالبلاك فرايدي
كل المواقع اللي فوق فيها كل الاقسام نساء /رجال / اطفال / مكياج /
بختصار كل شي
واخيرا
بحط لكم موقع بيوم البلاك فرايدي دخلو عليه ورح يعرض لكم عروض المواقع
عروض مختلفه شوفي اللي ينابسك واختاري من الموقع
رح يحولك للموقع الاساسي للعرض واطلبي .
اسم الموقع بلاك فرايدي
وبكذا حطيت لكم مجموعه من المواقع تقدرون من الان تشيكون عليها تتعرفون ع الموقع وايش يقدم
وتتجهزون ❤
وان شالله الايام الجايه احط لكم مواقع ثانيه ❤
اتمنى تكونو حبيتو الموضوع والتدوينة هذي تكون مفيده لكم
لا تنسون تدعولي بظهر الغيب ❤
