السلام عليكم ورحمة الله
كيفكم حبيباتي ❤
أليوم بتكلم عن تجربتي مع موقع اكبريس سمايل
كل المشاهير يستخدمونه وهالشي حمسني اجرب الموقع والمنتج .
☝
معلومات سريعة عن الموقع .
1- العملة بالدولار ＄.
2- الموقع لا يوفر شحن سريع .
3- الشحن المعتمد بالموقع الشحن البحري .
4- طريقه الدفع المقبولة الباي بال فقط .
المنتج اللي بتكلم عنه قوالب تبيض الإسنان مع جهاز إل إ دي ☺
توجهت للموقع واغلب اللي يتابعوني على السناب بيكونو عارفين خلاص طريقه الطلب كيف
تكون من المواقع (تعبئه البيانات )
توجهت للموقع واخترت المنتج اللي هو ( بكج يكون فيه إبرتين جل تبيض + قلم تبيض + جهاز LED)
انا طلبت بكجين لي ولإختي
+
طلبت إبر زياده بكج 6 إبر تبيض
صوره محتويات البكج للشخص الواحد
☺
بنسبة للأسعار .
اخذت عرض لشخصين بكجين يعني كلفني 79 دولار ❤
وبكج الإبر 6 إبر 65 دولار
+
الشحن الخارجي
24 دولار
بعد كذا توجهت للخروج لدفع
وسيلة الدفع
باي بال
(وسيلة دفع مرتبطه بالفيزا رح اشرحها في وقت لاحق )
تنوية .
الموقع لا يقبل الدفع المباشر بالفيزا
( حاولت ادفع بالفيزا قبل لا ادفع بالباي بال كانو يرفضون الدفع ويرجعون المبلغ واكثر من مره جربت
ضروري يكون الدفع باي بال ونفس بيانات الفيزا )
دخلت على حسابي في الباي بال ودفعت المبلغ
والحمدالله ضبطت وهنا صار انتظر الشحنة توصلني ❤
اللي صار ❣
بعد ماطلبت استغربت طلبي عدا شهر ماوصل !!
ارسلت لهم ايميل برقم طلبي وتاريخ وسبب التاخير ؟
❣
قالو ماعندهم شحن سريع
(الموقع لا يوفر شحن سريع إطلاقا )
فقط شحن بحري
والشحن البحري يطوول مره وزين اذا وصل طلبك من الاساس (اكره هالنوع من الشحن ولا اتعامل فيه )
عني انا لاني طلبت خلاص مالي إلا الصبر توصل طلبيتي
بعد شهرين وصلت ابشركم
عن طريق البريد السعودي
وبكذا اقدر اقول عن الموقع من ناحية السهوله والصعوبه بالطلب والإرسال .
سيئ ياخذ وقت طويل
المفروض يسهلون وسيله الدفع ويوفرون شحن سريع .
اما بنسبة للنتائج ☹
للأسف لا يستحق كل ريال صرفته
ماغير أسناني استخدمت إبرتين
شي واحد تغير
( ينظف الإسنان يعطيها لمعه النظافة اما بياض ماشفت )
وانا بنسبه اشوف هالشي اقدر احصله من منتجات اقل تكلفة ومتوفره عندنا
اما بنسبة لإختي
كان في نتيجة ملحوظه بشكل خفيف
ان اسنانها فتحت شوي
عطيت المنتج فرصه ثانيه وبدات استخدم الإبر الزياده اللي طلبناها
لكن للأسف مافي تغير ملحوظ
غير ان اسنانك تبان نظيفه وكانك عامله تنظيف اسنان بسيط
اما بياض الاسنان اللي توقعته * ماصار للأسف
ماراح اكرر التجربة ابدا
☺☺☺
وهذا كل شي
ان شالله يكون افدتكم .
سنابي
blogger_sa
ليست هناك تعليقات:
إرسال تعليق